TUGAS NEGARA

1301

             Indonesia gempar. Baapo kan indak, Antasari Azhar Ketua Komisi Pemberantas Korupsi (KPK) nan main ganyang kek koruptor manjadi tersangka atas sobuah kasus pambunuhan. Kasodo palosok tanah Air heboh. Tamasuok di Kampar. Dikodai-kodai, dikantor-kantor dan dimano sajo ughang mambicaghokan Antasari Azhar.

            Ocu Sanggam gawuik-gawuik kapalo nan indak gatal. Inyo sodang mambaco Koran di sobuah kodai ndak jauo daghi umanyo. Sakojap inyo manggumam, “Ndeh… tuiyo duyie Pak Antasari. Dek Piti nampaknyo indak tagoyah awak godo yie. Tapi dek dagiong segar nampaknyo awak go bau takonai,” Nyie Ocu Sanggam.

Ocu Sulan yang duduok didokeknyo bapaliong mamandang ka Ocu Sanggam. “Iyodunyo Cu… nampaknyo Harta, Tahta dan wanita go indak bisa dielakkan daghi sifat dokek manusio godo. Kalau dek Tahta, mungkin indak kasodo ughang nan basalegho, karono tahta itu  khan hanyo saketek. Kalau harta, memang banyak ughang mabuok dek haroto. Tapi itu indak juo pagha bonau, karono indak kasodo ughang nan gilo haroto du Cu Sanggam,” Nyie Ocu Sulan. Inyo maisok okok Dji It ditangannyo.

“Ha, nan katigo, jo ghang tino atau wanita, condo apo pulo du Cu Sulan,” Tanyo Cu Sanggam.

“Kalau untuok nan sociek pakagho du, iko tio nan umum marato tajadi dimasyarakat. Kan banyak tadongau dek awak Pak Oji tatangkok selingkuh. Padahal inyo punyo bini ancak diuma. Banyak pajabat awak kalau kolu daerah juo condo itu. Jajan kunun bahaso nan topek untuok itu. Pajabat jo ughang nan dokek ka agamo sajo kalau basuo nan ciek pakagho du, indak kan mampu batahan do. Picayolah Cu Sanggam, Khan iyo?” Nyie Cu Sulan batanyo.

Ocu Sanggam maonggyuok-ongguok kociok. Nampaknyo kato-kato kawannyo go masuok dalam kigho-kighonyo, “Iyo pulo ghasonyo yie Cu Sulan,” Kato Cu Sanggam maiyokan kato kawannyo.

Kriiing…kriiing…. HP Cu Sanggam babunyi. Inyo saketek takojuik manengok siapo nan manalepon. Kosan Amir kawannyo yang PNS nelpon. Ocu Sanggam maangkek, “Hallo, Mir…. Apo Kabar. Dimano posisi kini du?” Tanyo Cu Sanggam.

“Di Jakarta Cu Sanggam,” Jawek Amir di Jakarta.

“Ha, jawuo main kini yie. Apo acara ka Jakarta?” Tanyo Cu Sanggam baliok.

“Iko Cu, den dapek tugas daghi kantor untuok malaksanakan tugas Negara. Memang condo iko tio awak jadi abdi Negara towui di mintak untuok kolu kota, untuok manyalosaikan tugas Negara yang den emban,” Jawek Amir. “Apo Kabar Cu Sanggam?” Tanyonyo baliok.

“Kabar disiko lai elok-elok sajo,” Kato Amir. “Olah du yie Cu Sanggam, bisuok den pulang bo oleh-oleh untuok Cu Sanggam,” Kato Amir bajonji.

Ocu Sanggam nampak sonang. Inyopun mamatikan HP-nyo.

Samantagho itu Amir kosan sodang baghado di hotel mewah di Jakarta. Disampiongnyo tagaletak soghang anak gadi ancak. La jole, siapo pulo ghang gadi du kalau bukan wanita panggilan yang disewuo dek Amir.

Sajonak, Amir mancuim mesra ghang gadi du. Lalu kamudian Amir takalenjek godang kutiko ghang gadi du bakato, “Lagi laksanakan tugas Negara ya bang. Jangan lupa pajaknya ya bang, lima belas persen,” Nyie Ghang gadi du. Sakojap Amir tamonuong. Malaksanakan tugas Negara kok di hotel basamo ghang gadi nan bukan bininyo.

“Konciong cewek ko…” Pikiu Amir.***

 

Penulis adalah:

Pendiri THEATRE BANGKINANG PROJECT

Kabupaten Kampar

 

 

Komentar Facebook