JAN PICAYO

5406

Ocu Sanggam baghu pulang daghi Pokanbaghu. Kota metropolitan di Propinsi Riau. Kamano babelok Ocu Sanggam du di Pokanbaghu? Ontahlah. Muo wak simak cuito iko lok-elok. Muda-mudahan bisa jadi palajaran.

            Satibonyo di dopan uma, Ocu Sanggam tatogun salojang. Ditengoknyo uma takunci gembok, “Kamane pule bini den go gak’a yie…” Nyie Cu Sanggam mambathin. Sasudah saliok-manyaliok pakaghangan uma jo pot bungo, ndak basuo dek’enyo kunci uma nan dicai.

Cu Sanggam maambiok HP daghi kulosang salowu kanannyo. Kamudiannyo manalepon. Muko Cu Sanggam bakowuik. Ughang nan ditalepon ndak maangkek Hp-nyo, do. “Sodang mangapo pulo bini den go gak’a. dek ndak diangkek-angkek talepon den dek’e, do,” Nyie Cu Sanggam kaliko basuagho. Kamudiannyo duduok di karusi otan nan olun lamo dibolikan dek bininyo Mi’a.

Dokek jam limo potang, Mi’a bini Cu Sanggam tibo.

Manahan bongi condok’o Cu Sanggam. Tapi sasuda manengok senyum losuong pipik punyo bininyo, Ocu Sanggam malunak. “Apo kabar tang Pokan, nyo Cu?” Sapo Mi’a jo tanyo.

“Ndeh, diok. Ndak juo bauba Pokanbaghu awak du do, Mi’a. condo itu jie baunyo. Patuong-patuong nan di tongah jalan di dokek Mall SKA olun jie omuo duduok, le. Padohal lalamo juo inyo togak  maulun tepak sighio,” Nyie Cu Sanggam sambio manyuwuo bininyo mambukak pintu.

“Tu, nan lain…?” Tanyo Mi’a baliok.

“Samo jienyo. Pasawat nan di dopan Kantor Gubernur awak du olun jie condok’o omuo tobang, le. Warnanyo nan bauba baunyo. Bulio nanpak pasawat du la bagonti cak’a gak’anyo,” Nyie Cu Sanggam santai. Mi’a masuok kadalam uma. Maambiok sagole ayu putio.

Cu Sanggam manoguok ayu du sampai abi. “Awui bonau tio, Cu. Ndak ado pakai jeda maminum ayu du do, ma,” Kato Bininyo.

Awui den, diok. Male den mamboli ayu dingin di topi jalan di pokanbaghu ton. Den tengok dobu ndak saketek dek musim pane go do. Daghi pado konai dek isak (Sejenis penyakit), elok jan minum ayu nan di topi jalan dule,” Nyie Cu Sanggam.

“Eh, cuito-punyo cuito. Daghi mano adiok cako, go? Sampai-sampai Hp Ocu indak baangkek,” Nyie Cu Sanggam batanyo kabininyo. Mi’a nampak sodang maelo ongok.

“Khan tadi malam den sobuik ka Ocu, le. Boso aghi ko ado palantikan niniok mamak di desa awak go. Dek Ocu nak ka Pokanbaghu dutio, ndak kan obe dek ocu acara du, do. Lupo?” Mi’a baliok batanyo.

Ocu Sanggam nampak maongguok-ongguok. “Tu apo dek sampai indak baangkek Hp den,” Tanyo Cu Sanggam baliok jo koniong saketek bakowuik.

“Nde, Cu. Lomak tio pidato Datuok nan baghu dinobatkan jadi niniok mamak di nagoghi awak, go. Dalam pidato inyo tadi, hanyie datuok nan bagolau Datuok Panduto, eh… Paduko Nan Ditonga Utan, du. Untuok maso nan akan datang, muola basamo-samo awak saluruh masyarakat Desa iko untuok mananamkan ghaso saliong picayo,” Kato-kato Mi’a taonti.

Dilanjuikkannyo, “Ghaso saliong picayo itu akan awak tanamkan dalam mambangun Desa nan awak cintai. Muolah awa basamo-samo mamciptakan kondisi nan Aman, tentram, jo nuansa agamis di kek awak, go,” Nyie Mi’a manighukan pidato Niniok Makak nan baghu dilantik du.

Ocu Sanggam manggeleng-geleng, “Lah du diok. La tontu ujuong-ujuong pidato Datuok du dek Ocunyo. Paliong-paliong pidato itu tujuannyo untuk maambiok ati masyarakat jo anak kamanakan. Suda tu, ha baghapo tinge utan le, dietong asodo dek inyo untuok dijual a perusahaan godang,” Nyie Ocu sanggam loma.

“Tana ulayat mukosuik Ocu? Ndak kan ado le Cu. La abi dijue dek niniok mamak nan tadaolu. Paliong-paliong ndak sabapo tinge tanah ulayat ke awak go nan olun dijue ka perusahaan. Itupun juo mungkin la tamasuok utan linduong,” Kato Mi’a basamangek.

“Ha, tontu dek adiok nyo, ma ha. Jadi condo iko diok, siapopun, biak polisi, pemimpin, awak, niniok mamak, bahkan ulama takadang kato-katonyo indak bisa dipogang, do. Contoh sederhana jolah. Banyak pak-haji-pak haji kini nan pai kadiskotik, pai ka karaoke jo tompek-tompek na  indak tasobuik tompek beribadah do. Cubo lah tengok dek adiok kadiskotik di Pokanbaghu du, pasti banyak ditomui ughang awak Bangkinang atau Kampar di situ,” Nyie Cu  Sanggam baliok.

Apolai disitu du akan adiok tomukan niniok-niniok mamak jo kapalo desa di diskotik atau karaoke. Bahkan kabarnyo diok yie, proyek-proyek pambangunan di nagoghi awak go banyak tajadi transaksi-tarnsaksi di diskotik atau di karaoke. Sakughang-kughangnyo di hotel. Ndak cayo tengoklah kokien,” Lanjuik Cu Sanggam.

“Dek apo nan condo itu, du. Kan basuwuo pulo deye ka diskotik atau ka karaoke du, Cu. Molak’anyo. Biala ughang-ughang nan kughang iman sajo nan pai kokien,” Mi’a manulak ide lokinyo.

“nah makonyo, Kalau tak bukan mentalitas ughang awak go mulai dipatanyokan. Kok lai kini awak aghok ka mahasiswa, itupun ndak saponuonyo barosio mahasiswa yang malakukan demo-demo du do. Banyak awak dongau demo itu ditunggangi oleh kepentingan politik ughang tatontu sajo. Artinyo demo du takadang titipan sponsor,” Kato Cu Sanggam manorangkan. Mi’a maongguok-ongguok.

“Jadi kini awak jan talalu mudah picayo jo ongak dan kato-kato pejabat, niniok mamak, apolagi politikus. Politikus du yie dalam Film Hollywood yang dibintangi dek Arnold yang bajudul The Last Action Hero, disitu disobuikkan Politikus go lah nan banyak mangancukan nagoghi,” Nyie Cu Sanggam.

“Apo dek condok itu bonau du, Cu?” Tanyo Mi’a.

Jawab Cu Sanggam, “Itu tajadi lantaran politikus iko punyo banyak koneksi atau bahasa lainnyo link. Punyo banyak kawan yang bisa maluluikan kemauan dan kehendak politik daghi politikus tadi,” Cu Sanggam manoguok siso ayu putio nan tinge babaghapo titiok.

“Jadi kini ko den sarankan kek adiok jan mudah tapadayo dek pidato mani, dek konsep-konsep nan muluk-muluk. Kini wak samo-samo tengok sajolah indak banyak tasuo jonji-jonji ughang nan diate ton du do. Jadi wak kojon jiela kojo awak jan dipadulin kato-kato ughang itu dule,” Nyie Cu Sanggam.

Lanjuiknyo, “Kalau lai basuo kato-kato ughang du satelahnyo manjadi ughang, bau  wak dukuong basamo-samo. Tapi jan tido diale le diok. Mudah-mudahan kato-kato Datok pamangku adapt yang baghu dilantiok tadi du kok lai botue, muo juo wak dukuong basamo-samo. Kalau indak dek awak basamo-samo, sabagus apopun konsep yang dilahirkan indak ciekpun nan kan manjadi do,” Kato Cu Sanggam.

Mi’a maongguok-ongguok baliok, “Iyo Yie, Cu,” Katonyo maiyokan. ***

 

Penulis adalah PU/Pemred

  Tabloid Berita Sanggam

           

 

 

Komentar Facebook